خبرگزاری باختر، تحت کنترول طالبان روز شنبه ۲۴ عقرب گزارش داد که یک «هیات بلندرتبه تاجیکستان» وارد کابل شده است. طبق گزارش، نمایندگان وزارت خارجه و ادارات امنیتی تاجیکستان در ترکیب این هیات است.
گفته شده قرار است مقام‌های طالبان و تاجیکستان درباره سفارت افغانستان در دوشنبه گفت‌وگو کنند.
به نوشته رسانه‌های تحت کنترول طالبان، هدف از سفر هیات تاجیکستان، گسترش روابط سیاسی، اقتصادی و امنیتی است.
گفت‌وگو درباره پروژه‌های مشترک از دیگر موضوعات دیدار مقام‌های طالبان و تاجیکستان خوانده شده است.

سفر هیاتی از تاجیکستان به کابل در حالی انجام شده که چند روز پیش هم شماری از مقام‌های این کشور به ولایت قندوز رفتند و با مسئولان طالبان دیدار کردند.
پیش از آن، یوسف وفا، والی طالبان در بلخ و از چهره‌های نزدیک به هبت‌الله به دعوت تاجیکستان، به دوشنبه سفر کرده بود. او در دیدار با مقام‌های تاجیکستان، خواستار برقراری روابط دیپلوماتیک شد.
تاجیکستان از جمله کشورهایی آسیای میانه است که کمترین روابط دیپلوماتیک با طالبان را در چهار سال گذشته داشته است.

کد (9)